වෙබ් අඩවියට ප්‍රචාරය – 2

ඔබේ වෙබ් අඩවියට කට කතා මා‍ර්ගයෙන් ප්‍රචාරණය ලබා දීම පිළිබඳව තමයි අප කතාකරේ. වෙබ් අඩවියට ප්‍රචාරණය ලබාදීමට තවත් ක්‍රම ගණනාවක්ම තියෙනවා. ඔබේ වෙබ් අඩවිය පිළිබඳව ඔබේ මිතුරන්ගේ බ්ලොග් අඩවි තිබේනම්, ඒවායෙහි ඔබේ වෙබ් අඩවිය ගැන හිතන්නේ මොනවාද කියලා සටහන් කරන්න කියන්න, ඒ තුලින් ඔබට ඒ බ්ලොග් අඩවි හරහා ඔබේ වෙබ් අඩවියට ප්‍රචාරණය ලබාගන්න පුළුවන්. මෙයට අමතරව ඔබට පුළුවන් වෙනත් වෙබ් අඩවි සමඟ යොමු හුවමාරු කරගැනීමට (Link Exchange) මෙහිදී සිදුවන්නේ ඔබ ඔබේ වෙබ් අඩවියෙන් අනිත් වෙබ් අඩවි වලට පිවිසීමට යොමු ලබාදෙනවා, එමෙන්ම ඔබ‍ගේ වෙබ් අඩවියෙන් යොමුව ලබාදුන් වෙබ් අඩවියෙන්, ඔබේ වෙබ් අඩවියට යොමුවක් ලබාදෙනවා. Link Exchange කරගැනීමකදී සිදු වන්නේ මෙම ක්‍රියාදාමයයි. තව විස්තර තියෙනවා පසුව කියන්නම්කෝ

හැරී පෝටර් මීළඟ චිත්‍රපටිය

මේක තමයි අළුත්ම වින්දනීය ප්‍රවෘත්තිය. ලෝකය පුරා ජනාදරයට පාත්‍ර වූ කතා මාලාවක් වන හැරී පෝටර් ආශ්‍රයෙන් නිර්මාණය වන මීළඟ චිත්‍රපටිය වන Harry Potter And The Half Blood Prince චිත්‍රපටිය මේ වසරේ නොවැම්බර් මාසයේ 21වන දිනයේ මහජන ප්‍රදර්ශනය විවෘත වන බව තමයි ආරංචි වන්නේ. මෙම චිත්‍රපටියේ අළුතින්ම ඔබට දැකගැනීමට ලැබෙන චරිතය වන මහාචාර්ය ස්ලග්හෝර්න් ලෙස ජිම් බ්‍රෝඩ්බෙන්ට් චිත්‍රපටියේ රඟදක්වනවා.

තවත් ප්‍රවෘත්ති තියෙනවා. හොඳ‍ හොඳ දේවල් එළිවෙන ජාමෙට කිව්වාලු…

යාවත්කාලීන කිරීම (2010.01.05)

කොහොමහරි මේ හැරී පෝටර් චිත්‍රපටිය නිකුත් වුනේ මුලින්ම නිවේදනය කරපු දිනයටත්, අවුරුද්දකට පස්සෙ. හරියටම චිත්‍රපටිය නිකුත් කළේ 2009 අවුරුද්දෙ ජුලි 15වෙනිදාවක.

මැරතන් දෙවැනි පැය

ඔන්න සිංහල බ්ලොග් මැරතන් දෙවැනි පැයත් පටන් ගත්තා. කට්ටිය දිගට හරහට “අත් දෙකෙන්ම” දුවනවා වගේ. මාර්ගය දෙපස මැරතන් බලන්න කට්ටිය පිරිලා බව මගේ බ්ලොග් අඩවියට පිවිසෙන පිවිසුම් ගණන දිහා බැලුවාම පේනවා. අපි දැන් පිවිසෙන්නේ මැරතන් දෙවැනි පැයට, මේ පැයේදී මා බලාපොරොත්තු වනවා.

  • වෙබ් අඩවි ප්‍රචාරණය පිළිබඳ සටහනක්
  • අළුතෙන්ම නිකුත් වන චිත්‍රපටියක් පිළිබඳ විස්තරයක්
  • ෆිල්ම් ෆෙයාර් සම්මාන උළෙල පිළිබඳ විස්තරයක්

ඔබට ඉදිරිපත් කරන්න. ඉතින්, දිගටම සුදාරකගේ අන්තර්ජාල සටහන සමඟින් රැඳී සිටින්න.

වෙබ් අඩවියට ප්‍රචාරය

මා කලින් ඔබට සඳහන් කරන ලද විදිහට වෙබ් අඩවියකින් ඔබට ඇති ප්‍රයෝජන බොහොමයි. ඔබේ අදහස් ලෝකය පුරාම ප්‍රචාරණය කරන්න, ඔබේම රසික පිරිසක් ඇති කරගන්න විතරක් නෙවෙයි තවත් බොහෝ දේ පුළුවන්. ඔබ දන්නවාද? ගූගල් වෙබ් අඩවිය මුලින්ම නිර්මාණය කරන ලද්දේ ගරාජයක් ඇතුලේ ඉඳගෙන කියලා? දැන් ගූගල් කියන්නේ ලෝකයේම ප්‍රචලිත, වැඩිම ආදායම් ලැබෙන වෙබ් අඩවි ජාලයක්. දැන් ගූගල් කියන්නේ සෙවුම් යන්ත්‍රයක් විතරක්ම නෙවෙයි. නොමිලේ විද්‍යුත් තැපැල් සේවා සපයන හා තවත් බොහෝ දෑ සපයන‍ වෙබ් අඩවියක් වෙලා ඉවරයි.

ඔන්න වෙබ් අඩවියක් හදලා, ඩොමේන් නාමයකුත් ඇරගෙන, වෙබ් අඩවිය අන්තර්ජාලයේ ස්ථාපනය කරා කියමුකෝ. ඒත් වැඩක් නෑ ඒ වෙබ් අඩවියට යම් කිසි ග්‍රාහක සංඛ්‍යාවක් පිවිසෙන්නේ නැතිනම්. ඉතින් ඔබේ වෙබ් අඩවියට ග්‍රාහකයින් ගෙන්වා ගැනීමට නම් ක්‍රම ගණනාවක්ම තියෙනවා. ඒ අතුරින් පළමු ලෙහෙසිම ක්‍රමය තමයි කටින් කට මේ වෙබ් අඩවියට ප්‍රචාරණය ලබාදීම, ඔබේ මිතුරන්ට පවසන්න ඔබේ වෙබ් අඩවියට පිවිසිලා බලන්න කියලා. ඔබේ වෙබ් අඩවියේ අන්තර්ගතය හොඳ නම්, ඔබේ මිතුරන්, ඔවුන්ගේ මිතුරන්ටත් පවසයි ඔබේ වෙබ් අඩවියටත් පිවිසෙන්නට කියලා.

මේ එක ක්‍රමයක් විතරයි. මැරතන් වෙලාව ඇතුලතදී තව කියන්නම්… දිගටම සුදාර‍කගේ අන්තර්ජාල සටහන සමඟින් රැඳී සිටින්න.

සුදාරකගේ ADSL වික්‍රමය – 1

මගේ අන්තර්ජාල සම්බන්ධතාවයේ සුපිරි අශ්ව බල වේගය ගැන ඉතින් නොදන්න කෙනෙක් නෑනේ. මම දැන් මේ බොහොම අමාරුවෙන් මන්දගාමීව තමයි දුවන්නේ. මොනවා කරන්නද? ඔන්න ඉතින් මාස 4ක් බලාගෙන ඉඳලා අද තමයි වැඩේ හරිගියේ ඒත් තාම මොඩම් එක විතරයි. අද උදේ ටෙලිකොම් එකෙන් කතා කරා ඉතින් ඔන්න මම ගියා නුගේගොඩ ටෙලිකොම් එකට, වැඩේ හරි අළුත් දුරකථන අංකයකුත් ලැබිලා! අවුරුදු කාලේ දීමනාවක් විදිහට නොමිලේම මොඩම් එකත් ලැබුනා. ඉතින් ඒක නිසා මොඩම් එකක් ගන්න සල්ලි වියදම් කරන්න වු‍නේ නෑ. ඒත් වැඩේ කියන්නේ මේකයි. මේ පාර මොඩම් එක ලැබුනාට ස්ථාවර දුරකථනේ නෑනේ! කලින් මතක ඇති මම කිව්වානේ මොබිටෙල් බ්රෝඩ්බෑන්ඩ් සිම් එක ලැබුනාට මොඩම ඒක තාම නෑ කියලා! මේ පාර ඒකේ අනිත්පැත්ත. මොකක් හරි අවුලක් තියෙනවා. දැන් මටම හිතෙනවා මම ගිය ආත්තේ ISP කෙනෙක්ද කොහේද, ඒකනේ මේ මට තාම හරි හැටි අන්තර්ජාල සම්බන්ධතාවයක් නැත්තේ!

දැනට මෙපමණයි. පස්සේ නුගේගොඩ ගමන ගැන කියන්නම්…

මැරතන් විස්තර විචාරය

ඔව් මෙන්ම මේ දැන් ටිකකට කලින් බ්ලොග් මැරතන් ඉසව්ව ආරම්භ වුනා. ශෝකජනක ආරම්භයක් වූ නමුත් ඉදිරියේදීවඩා හොඳ තරඟයක් තරඟකරුවන්ගෙන් බලාපොරොත්තු විය හැකියි. හෝව්! හෝව්!! මලින්ත, මේ මල් කඩන වෙලාවක් නෙවෙයි! මැරතන් එක මැරතන් එක… ඔව් වතුර බාල්දියක් ඉදිරියට රැගෙන දුවන සුදාරකගේ ජල පහරක් මේ අවස්ථාවේදී මලින්තට එල්ලවුනා! ඔව් මලින්ත! නාගත්තා!!! මේ අතර ආනන්දවර්ධන හිමින් සීරුවේ ඉදිරියට පැමිණෙනවා… ඉදිරියට වෙන්නේ මොකක්ද කියලා දැනගන්න නම් ඉතින් සුදාරකගේ අන්තර්ජාල සටහන සමඟ රැඳී සිට්න්න ඕනේ! ඕං!!!

සැරසේන්! එල්ලවේන්!! යා!!!

ඔන්න ප්‍රථම වරට පවත්වනු ලබන සිංහල බ්ලොග් මැරතන් ඉස්ව්ව ආරම්භ කරා. දැන් ඉතින් කට්ටියම දිගට හරහට ලියන්නයි තියෙන්නේ. මෙවර බ්ලොග් මැරතන් ඉසව්ව සංවිධානය කරනු ලබන්නේ සිංහල බ්ලොග්කරුවන්ගේ සංසදයේ එකමුතුකමින්, සියළුම සිංහල භාෂාවෙන් බ්ලොග් ලියන්නන් වෙනුවෙන්. ඉතින්, කට්ටිය පෙරලගන්නේ නැතුව, සැහැල්ලුවෙන් දුවන්නයි තියෙන්නේ. එහෙනම් ඉතින් බලාගෙන ඉන්නේ? දුවමු, දුවමු…

එල්ලවෙන්න කලින් සැරසෙන්න!

අද තමා දවස! සිංහල බ්ලොග්කරුවන්ගේ සංසදය විසින් සංවිධානය කරනු ලබන ප්‍රථම ඉසව්ව! සිංහල බ්ලොග් මැරතන් ඉසව්ව පැවැත්වෙන්නේ අද දිනයේ බව අමුතුවෙන් කියන්න නම් දෙයක් නෑ. මෙවර සිංහල භාෂාවෙන් බ්ලොග් ලිවීමේ නිරත වන බ්ලොග්කරුවන් 30කට ආසන්න පිරිසක් බ්ලොග් මැරතන් ඉසව්වට සහභාගී වන බව දන්වා තිබීම සතුටට කාරණයක්. එමෙන්ම බ්ලොග් මැරතන් ඉසව්ව බාධාවකින් තොරව පවත්වාගෙන යාමට සියලු කටයුතු බ්ලොග්කරුවන්ගේ සංසදය විසින් කටයුතු සලසා තිබෙනවා. ඉතින්, අද රාත්‍රී 8.00 සිට පුරා පැය 24ක කාල පරාසය තුල විනාඩි 15න් 15වට බ්ලොග් ලිවීමේ නිරතවනවා. මේ අති උත්කර්ෂවත් අවස්ථාව පිළිබඳ තවත් වැඩි විස්තර දැනගැනීමට සිංහල බ්ලොග්කරුවන්ගේ සංසදයේ නිල වෙබ් අඩවිය වන www.sinhalabloggers.com වෙත පිවිසෙන්න. 

සංවේගයෙන් දැනුම්දීමයි – යසරුවන් ගුණතිලකගේ හදිසි අභාවය

පේරාදෙණිය විශ්ව විද්‍යාලයේ ශිෂ්‍යයකු ද, අපේ සිංහල බ්ලොග් අවකාශයේ මිතුරකු ද, බ්ලොග්කරුවකු ද වූ යසරුවන් ගුණතිලක ඊයේ හදිසියේ මෙලොවින් සමුගත් බව මේ දැන් ආරංචි වුණෘ. ඔහු හෙට පැවැත්වෙන අපේ මැරතන් ඉසවුවට ද උද්යෝගීමත් ව සහභාගී වීමට සූදානමින් සිටි බැවින් මේ හදිසි වියෝ වීමේ පුවත අදහා ගත නොහැකි තරම් කම්පනයක් අප සැම තුළ ඇති කළා. හෙට ඔහුගේ දේහය පිළිබඳ අවසාන කටයුතු සිදු වන බව ඔහුගේ සොහොයුරු සඳරුවන් අපට ප්‍රකාශ කළා.

ඔහු අවසන් ගමන් යන හෙට දිනයේ ම රෑ 8ට ආරම්භ වන අපේ සිංහල බ්ලොග් මැරතන් ඉසවුවේ ආරම්භක සටහන් යසරුවන් වෙනුවෙන් හිස් ව තැබීමට සිංහල බ්ලොග්කරුවන්ගේ සංසදය සියලු සහභාගී වන්නන්ගෙන් ඉල්ලා සිටිනවා. “යසරුවන් වෙනුවෙන්” යන මාතෘකාව සහිත ව හිස් බ්ලොග් සටහනක් (blank post) හෙට රාත්‍රී 8ට මැරතන් අරඹන මොහොතේ පළ කිරීමෙන් අපේ සාමූහික ශෝකය බෙදාහදා ගැනීමට එක් වන්න.

මේ එම සිදු වීම අද දිවයින පුවත් පත වාර්තා කර තිබුණු අයුරුයි.

අත්වැල්තොට ඇල්ලේ දියනෑමට ගිය තරුණයා සැඩපහරට හසුව මිය යයි. (දිවයින, අපේල් 17 වැනි බ්‍රහස්පතින්දාල 3 පිටුව)

– දයානන්ද ජයනෙත්ති. බදුරලිය

අවුරුදු නෑගමි පැමිණ අත්වැල්තොට දිය ඇල්ලේ දිය නෑමට ගිය පේරාදෙණිය විශ්ව විද්‍යාලයේ ඉංජිනේරු පීඨයේ සිසුවකු එම දිය ඇල්ලේ සැඩ පහරට ලක් ව දියේ ගිලී ඊයේ (16 වෙනි දා) මරුමුවට පත් ව ඇත. මෙසේ මරුමුවට පත් ව ඇත්තේ රත්නපුර වෙරළුප පදිංචි යසරුවන් ගුණතිලක (23යි) නමැති අයෙකි.

සිද්ධිය සම්බන්ධයෙන් බදුරලිය පොලිසිය පරීක්ෂණ පවත්වයි.

මේ යසරුවන්ගේ බ්ලොග් අඩවියයි.

http://yasaruwan.gunathilake.com/