දැන් වේලාව සවස එකයි! තත්පර ගොඩායි!

ඔන්න ඉතින් හවස එකත් වුනා. මැරතන් තරඟේ තාම්ත් විවෘතයි. බ්ලොග් වලින් මැරතන් දුවන එකත් එච්චර ලේසි පහසු වැඩක් නෙවෙයි කියලා මට නම් මුලින්ම තේරුනේ මගේ සුපිරි බල අධිවේගී අන්තර්ජාල සම්බන්ධතාව නිසාමයි. ටෙලිකොම් වල ආශිර්වාදයෙන් අන්තර්ජාලයේ භාවනා කරපු මගේ ඉවසීමේ සීමාව නම් හොඳටම පැනලා. මැරතන් දුවන්න බ්රෝඩ්බෑන්ඩ් ඇරගන්න ලේස්ති වුනත් කෝ කොහේද වෙලාවට ලැබුනේ නෑනේ. මේ වෙච්ච අලකලංචිය නිසා මට හරියට මැරතන් දුවන්න වුනෙත් නෑ. මේක නිසා ලියන්න අදහස් ගලාගෙන එන්නෙත් නෑ ඇත්තම කිව්වොත්, බ්රෝඩ්බෑන්ඩ් ගන්න මේ සතියම මහන්සි වෙච්ච නිසා ලියාගන්න කරුණු හොයාගන්නත් බැරිවුනා. කොහොමින් කොහොමින් හරි සවස 1ත් පහුවෙලා. දැන් පොඩ්ඩක් නාගන්න ඕනේ භෞතිකව 😀 මම භෞතිනවම නාලා ඇවිල්ලා තව මොනවා හරි ලියන්නම්කෝ…

ඒ.බී.සී මාධ්‍ය නැවතත් කරළියට

ඔබ දන්නවා ඇති මීට ටික කාලෙකට කලින් වැරදි ප්‍රවෘත්තියක් ජනතාවට ලබාදීම නිසා හිරු එෆ් එම් ඇතුළු එම නාලිකාව අයත් මාධ්‍ය ආයතනයට අයිති නාලිකා කිහිපයක් තහනම් කරනු ලැබුවා. ඔන්න දැන් ආපහ් කෙසේ වෙතත් එම නාලිකා තමන්ගේ විකාශය නැවත ආරම්භ කරලා. ඒ නාලිකා අතුරින් මම වැඩියෙන්ම ඇහුවේ හිරු එෆ් එම් නාලිකාව තමයි. හැබැයි මේ පාර තමන් ඉදිරිපත් කරන ප්‍රවෘත්ති පිළිබඳව ටිකක් වගකීමකින් කටයුතු කරන එක තමයි වැඩිය හොඳ…

ලංකාව දියුණු වෙමින් පවතින රටකි

ශ්‍රී ලංකාව සුද්දන්ට නතු කරගැනීමට පෙර ‍පෙරදිග ධාන්‍යාගාරයයි.
සුද්දා අපිට රට භාර ගියාට පස්සේ ශ්‍රී ලංකාව දියුණු වෙමින් පවතින රටකි
ඊට වසර 10කට පසුද ශ්‍රී ලංකාව දියුණු වෙමින් පවතින රටකි
ඊට වසර 40කට පසුද ශ්‍රී ලංකාව දියුණු වෙමින් පවතින රටකි
වර්තමානයේද ශ්‍රී ලංකාව දියුණු වෙමින් පවතින රටකි
අනාගතයේ ශ්‍රී ලංකාව?

රේස්!

මැරතන් එකක් අ‍ස්සේ මේ ලියන්න ලෑස්ති වෙන්නේ රේස් එකක් ගැන. රේස් තමයි මෑතකදී ඉන්දියාවේ නිෂ්පාදනය වූ දැවැන්තම හින්දි සිනමා නිර්මාණය. මෙම චිත්‍රපටියේ ප්‍රධාන චරිත කිහිපයක්ම තිබෙනවා. ඒ අතිරිනුත් ප්‍රධාන වනුයේ සයි‍‍ෆ් ඛාන් හා අක්ශේ ඛන්නා ගේ චරිත. මේ චරිත අතරය හාස්‍යක් එක් කරන ප්‍රධාන චරිතය වනුයේ අනිල් කපූර්ගේ චරිතයයි. සියල්ල මුදලට යටවූ සමාජ තත්ත්වයක් පිළිබඳව ගෙන එන මේ චිත්‍රපටි‍ය නම් මම නැරඹුවේ නෑ. ඒත් සින්දු නම් ඇහුවා. මට මේ චිත්‍රපටියේ සින්දු වල නම් කිසි සියුම් රසයක් දැනෙන්නේ නෑ. ප්‍රධාන වශයෙන් ශබ්ද රසයම විතරයි. මේ චිත්‍රපටියේ සංගීතය නිර්මාණය කර තිබෙන්නේත්, ජබ් වී මෙට් චිත්‍රපටියේ සංගීතය නිර්මාණය කරන ලද්දා වූ ප්‍රීතම් චක්‍රබෝතීම තමයි. වැඩි විස්තර පසුව බලාපොරොත්තු වන්න. මැරතන් බලලා / ලියලා මහන්සියි වගේ නම් රේස් චිත්‍රපටියේ මේ ගීතය රස විඳින්න…



රූප ගැන හිතන්න එපා. සින්දුව විතරක් අහන්න.. 😀

දැන් වෙලාව උදේ නවයායි!

මැරතන් දුවලා දුවලා සමහර අයට නම් ඉතින් මහන්සියි වගේ, තව හරියටම පැය 11කට ආසන්න කාලයක් මැරතන් දුවන්නයි තියෙන්නේ.  කට්ටිය ලියනවා ලියනවා…. මැරතන් සින්ඩ්කේටරයේ පිරී ඉතිරිලා යන්නම අකුරු වලින් පිරිලා ගිහිල්ලා. ඒ අතරේ සංසදයේ කතා කාමරේ තමයි නියම වැඩේ යන්නේ… කට්ටිය නාවනවා, සමහරු නාගන්නවා කියලා වැඩක් නෑ. මැරතන් එක අස්සේ උදේ පාන්දරම නාගත්තා නාගත්තා වගේ නෙමෙයි. උදේ පාන්දරම සීතලට ගල් වෙලා හරියට අයිස් වගේ…

මට කොත්තුත් ඕනේ…

ෂා මැරතන් එක ඇදිලා යනවා නියමෙට කට්ටිය වතුර ගහගන්නවා, සමහරු දිගට හරහට චැට් කරනවා. කියලා වැඩක් නෑ. නියම ඉසව්ව. ශ්‍රී ලංකාවේ වැඩිම දෙනෙක් පිවිසෙන බ්ලොග් සින්ඩ්කේටරය තමයි කොත්තු කියන්නේ. වෙනදා ඉංග්‍රීසි සටහන් වලින් පිරිලා තියෙන කොත්තුව, අද සිංහල සටහන් වලින් පිරිලා. සිංහල සටහන් වලින් පිරිලා තියෙන කොත්තුවේ රහ වැඩියි කියලා තමයි මට නම් හිතෙන්නේ.

සංසාරේ බවේ දුකා

බුදු දහමේ ඉගැන්වෙන හැටියට වෙනස් නොවෙන එකම දේ තමයි වෙනස් වීම. ඉතින් සියල්ල අනිත්‍යයි අනිත්‍යයි කියන්නේ කිසිම දෙයක ස්ථිර පැවැත්මක් නැති බවයි. මේ ස්ථිර පැවැත්ම නැති නිසා එක දුකක්. එමෙන්ම මම, මගේ යන සංකල්ප සීමා වන්නේ වචන වලට පමණයි. මෙය මගේ, මාගේය, මාගේමය කියලා කොචිචර කිව්වාත් අවසානයේ සිදුවන්නේ එය අපෙන් ඈත්වීම. උදේ පාන්දර පොඩ්ඩක් හිතන්න කාරණාවක් තමයි මේ මම දැන් කිව්වේ…

සුභ උදෑසනක් වේවා!

නොකඩවා ලියන්න හිටියට මේන් වැඩේ කරන්න හම්බවුනේ නෑ. ගොරව ගොරවා, අකුණු ගහ ගහ වහින්නට වුනානේ. ඉතින් වැස්ස පෑයුවාම ආපහු දුවන්න හිතාගෙන පොතක් අතට ඇරගෙන කියවන්න ගත්තා… පොත කියවලා ඉවරවෙනකොට මට දැනුනා මුළු පරිසරයම නිකන් ආලෝකමත් වෙලා, වැස්ස නතරවෙලා කියලා! අහ් දන්නෙම නැතුව නින්ද ගිහිල්ලා. මොනවා කරන්නද, කමක් නෑ මෙතන ඉඳගෙන හරි ඉදිරියට ලියනවා…

නුගේගොඩ ගමන

ඔන්න ඉතින් අද ඒ.ඩී.ඇස්.ඇල් ගන්න නුගේගොඩ ගියානේ. අද නිවාඩු දවසක් නිසා වැඩිපුර තදබදයක් තිබ්බේ නම් නෑ.. ඒක නිසා හොඳට ගියා. ඒ.ඩී.ඇස්.ඇල් ඇරගෙන පොඩි සවාරියක් දැම්මා නුගේගොඩ කට්ටියත් අඩුයිනේ 😉 ඔන්න ඉතින් සවාරියේ යද්දී දැක්කේ නැතෑ වෙසක් කූඩුවක්. මේ ජිවීතේට එහෙම එකක් දැක්කාමයි. දණහිසට අඟල් දෙක තුනක් උඩ වැහෙන්න විතරයි ඇඳලා හිටියේ. තව පොඩ්ඩෙන් මේ වෙසක් කූඩුව බලන්න ගිහිල්ලා තව පොඩ්ඩෙන් නුගේගොඩ ලයිට් කණුවක් හැප්පෙනවා… වෙසක් කාලෙට කලින්ම වෙසක් කූඩුවක් දැක්කේ ඔන්න ඔහොමයි… 😀

නැවතත් බ්ලොග් මාර්ගයට

බ්ලොග් මැරතන් එක මට නම් හරියට බාධක දුවනවා වගේ, එහෙන් අකුණු ගහනවා. මෙහෙන් මගේ දුරකථන බිලත් ආරක්ෂා කරගන්න එපැයි. සැලසුම් කර විදිහට බ්රෝඩ්බෑන්ඩ් නියමිත දිනට ලබාගන්න බැරි වෙච්ච නිසා තමයි මේ ඔක්කොම. ඔන්න ඉතින් කොහොම කොහොම හරි බ්ලොග් මැරතන් තුන් වෙනි පැයටත් ළඟාවුනා. දිගටම මැරතන් ඉසව්ව සමඟ රැඳී සිටින්න, හොඳ හොඳ ‍සෙල්ලම් බලාගන්න පුළුවන්…!