අද ඉතින් මං A/L පන්ති ගියා නෙව. (බබා දැන් ලොකු එකෙක් වෙලා නෙව 😀 ) ඒක නෙවෙයි, බස් එකේ ගැස්සි ගැස්සි එද්දී මගේ ෆෝන් කෙටි පයිංඩයක් ආවා. මට ඉතින් කවුරු කියලා කෙටි පයිංඩ එවන්නද? 😀 ලංකා පුවත් වලින් තමා පයිංඩේ. ප්‍රවෘත්තියෙන් කියවුනේ මෙන්න මෙහෙම දෙයක්…
ආරක්ෂක තත්වය මත සියලු ලාංකිකයින් WWW.CITIZENS.LK වෙබ් අඩවි‍යේ ලියාපදිංචි විය යුතුය.
වැඩේ හොඳ නරක සාකච්ඡා කරන එක ඔබට භාරයි. ඉතින්… මමත් වෙබ් අඩවියට හොට දාලා බැලුවා. හැබැයි ලියාපදිංචි වුනේ නම් නෑ. වෙබ් අඩවිය නම් ෂෝක් හරිම සරලයි. හැක් කරන්න දන්නවා නං ෂෝක් එකට හැක් කරතෑකි. ඒක නිසා වෙබ් අඩවිය බාරව ඉන්න අය මේක ගැන හොඳ අවධානයෙන් සිටීම වැදගත් වේවි. ඒ වගේම ප්‍රශ්නයක් තියෙනවා. මේක ටිකක් උසස් තත්ත්වයෙන්, රාජ්‍ය මට්ටමෙන් කෙරෙන දෙයක් නිසා, විශේෂයෙන්ම ආරක්ෂක අමාත්‍යංශයෙන් කෙරෙන නිසා, ආරක්ෂාව පිළිබඳ සැලකිලිමත් වෙන්න ඕනේ. පුද්ගල තොරතුරු ඇතුලත් කරන පිටුව http නැතුව https තිබුනානං හොඳයි. මේක අනිවාර්යයෙන්ම විය යුතු දෙයක්. වෙබ් අඩවියට ගිහිල්ලා බලන්න. මම නං කියන්නේ… තව ටිකක් හොඳට වෙබ් අඩවිය සංවර්ධනය කරලා දියත් කරා නං තමයි හොඳ.