ඇයි මේ දවස්වල පුද්ගලික දේවල්ම ලියන්නේ? හැබෑටම වෙන දෙයක් ගැන කතාකරන්නේ නැත්තේ? සිරස ගැන? දේශපාලනේ ගැන? ඉතිහාසය ගැන අඩුගානේ ෆිල්ම් එකක් ගැනවත් ලියන්නේ නැත්තේ ඇයි? ඇයි මේ සිම්පල් ප්ලෑන් එකකටම හිර වෙලා? සංකීර්ණ ප්ලෑන් එකකට ගියොත් නරකද?
ඔන්න ඕක තමයි මටත් තියෙන ප්‍රශ්නේ…
මේ දවස්වල මම හිතන්නේ මේ පහුගිය සටහන් වල සිද්ධ වෙච්ච දේවල් ගැනම නෙවෙයි. ලොකු ප්ලෑනක් හිතේ තියාගෙන හෙන ගේමකට ලෑස්ති වෙමිනුයි ඉන්නේ. ඒ ගැන ළඟදීම දැනගන්න ඔන්න පුළුවන් වේවි. ඔය බ්ලොග් කියවන, බ්ලොග් ලියන කාට කාටත් වැඩක් ඇති වැඩක්!
දේශපාලනේ ගැන නම් කියලා වැඩක් නෑ! ඔන්න බස්නාහිර පළාත් සභා ඡන්දයටත් තියෙන්නේ තව දවස් කීපයක් නෙව. අපි ඉතින් තාම වැඩිහිටියෝ නෙවෙයි නෙව. 18 පනින්න එපැයි ඡන්දේ දාන්න. ඒ වුනාට කිවුවාට මොකද පුංචි අපිත් ඔය ඡන්ද ගැන හෙන උනන්දුයි. මේ දවස්වල ප්‍රවෘත්ති වලට යොමු කරලා තියෙන අවධානයේ නම් කිසි අඩුවක් නෑ!. මැතිවරණ වේදිකාවේදී ඒ ඒ අය කියාගන්න කතා ඇහුවාම ඉතින් බිම පෙරළි පෙරළි සිනාසෙනවා ඇරෙන්න වෙන මොනවා කරන්නද?
ඒ වගේම බ්ලොග් ලියන, එකම දේශපාලකයා වන අධිනීතිඥ අජිත් පී පෙරේරා මහත්මාත් අමතක කරන්න බෑ. බ්ලොග් ලියන අපිටත් ආඩම්බරයක්. ඔන්න මගෙන් එතුමාට උණුසුම් සුභපැතුම්…
මේ අතරේ ලෝකයේ එක එක අර්බුද. ජල අර්බුද, බලශක්ති අර්බුද… ආ ඇයි ඒ විතරක්ද? දේශපාලනික අර්බුද? ආර්ථික අර්බුද? ඔව් ඒවත් නොසෑහෙන්න තියෙන කාලයක් තමයි මේක. ඉදිරි අනාගතය ගැන හිතන්නේ නැතිව අද ගැන හිතලා වැඩ කරන එක ඇඟට ගුණයි. නිකමට හිතලා බලන්න… වතුර නැතිවුනොත්? අතේ රුපියලක් නැතිවුනොත්? ගෙදරට ලයිට් නැතිවුනොත් මොනවායින් මෙනවා වෙයිද කියලා? පිස්සු හැදෙයි නේ? මානව ශිෂ්ඨාචාරය නැවතත් ගල් යුගයටම යයි නේ. මෙන්න මේ වගේ කාරනා නිසා ඒ අංශ වලින් අනාගතය ගැන හිතන්න දෙන්නේ නැතිව හිතට වාරණයක් දාලායි මේ දවසේ ඉන්නේ. ඒක නිසා හරියට මුකුත් ලියැවෙන්නෙත් නෑ.
ආ… අපේ බ්ලොග් සහෘදයෙක් මට අලුත් නමක් දාලා තිබුනා දැක්කා. මොනවා වුනත් ඒක සිරා නම… හික්! ගල්බනිස් සදාචාර… 😀 මම කැමතියි ඒකට! 😀