අප්පා ඇති යන්තම්. ඔන්න සිංහල මිනි බ්ලොග් මැරතන් ඉවරයි. දැන් ඉතින් නිදාගත්ත හැකි. ආ ඒ විතරක් නෙවෙයි. මේ වෙලාවේ සිංහල බ්ලොග්කරුවන්ගේ සංසයේ පාලකයිනුයි, චැට් රූම් එකට සැට් වෙච්ච ඔක්කොටමයි, Shedule වෙන්න දාලා හරි බ්ලොග් එකේ විනාඩි 15න් 15ට බ්ලොග් එක ලියපු හැමදෙනාටම බොහොම ස්තූතියි… මේක මිනි මැරතන් නිසා, අවසාන සටහනත් පොඩියටම ලියලා ඉවර කරනවා. ඇයි ඉතින් කට්ටියම නිදාගන්නත් එපැයි ඉතින්…
එහෙනම්, සුබ රාත්‍රියක් වේවා හැමෝටම… ආ වැරදුනා නෙව! අළුත් දවසක් උදාවෙලා… ඉතින් හැමෝටම… සුභ උදෑසනක් වේවා!
වෙන දවස්වල නම් අවුරුද්ද අවසානේ ලංකාවේ අපේ රූපවාහිනී නාලිකාවල දෙසැම්බර් 31 වෙනිදාට පෙන්නුවේ සංගීත ප්‍රසංගයක්. ඒ වුනාට දැන් ලංකාවේ තත්ත්වෙත් එක්ක සංගීත ප්‍රසංග වලට එච්චර තැනක් නෑ. ඉතින් දැන්, රූපවාහිනී නාලිකාවල අන්තිම දවසේ පෙන්නන්නේ චිත්‍රපටි. මේ පාර හොඳම වර්ගයේ හින්දි චිත්‍රපටි 3ක් පෙන්නනවා. ඒ, ස්වර්ණවාහිනියේ ඕම් ශාන්තී ඕම්, සිරසේ ඩූම් ටූ (2) සහ TV දෙරණේ රේස්. මම නම් ඔය තුනම බලලා තියෙනවා. හැබැයි ඩූම් 2නම් හරියට බලලා නෑ. ඉතින් බලන්න ඉන්නේ ඒක තමයි. මොකද ඉතින් ඕක ජනතාවගේ නාලිකාව නෙව 😛 රිදී රැයකට නම් මම කැමතිම නෑ. ඔන්න දැන් කියන්න එපා උඹ ලංකාවේ කිසි දෙයක් අගය කරන්නේ නෑ කියලා. මට ඒක නම් අප්පිරියමයි. අපේ ආච්චිලා සීයලා ඔයිට වඩා හොඳට නටාවි. හොඳම වැඩේ දැන්ම ගෙදරට ටීවී දෙක තුනක් ගෙනැල්ලා තියාගන්න එකයි 😉