පෙම් යුවලක් එපාකර තිබේ.

pem-yuwalak-cropped

තරමක් ආකර්ෂණීය දැන්වීම් කිහිපයක් නිසා දැනගත් පෙම් යුවලක් ඕනෑකර තිබේ වේදිකා නාට්‍යය බලන්න ගියේ පසුගිය ජනවාරි 17 වෙනිදා. ඒ මරදාන ටවර් රඟහලේ දී. වේදිකා නාට්‍යය හිතූ තරම් සාර්ථක නෑ. ඒ වුනාට ලංකාවෙ වේදිකා නාට්‍ය වලට සහයෝගය දක්වන්න ආධාර කරන්න හිතාගෙන ඉන්නවා නම් ගිහින් බලන්න.

වේදිකා නාට්‍යය පිළිබඳ දැන්වීම් කොච්චර ආකර්ෂණීය වුනත්, එදා නාට්‍යය බලන්න රඟහලට ඇවිත් තිබුනේ ටික දෙනයි. ඒක ඉතින් බලාපොරොත්තු වෙන්න පුලුවන් දෙයක්. රංගකලාව අධ්‍යයනයේදී බොහොම සරලම සංසිද්ධියක් වන ප්‍රේක්ෂකාගාරයට මුහුණලා ඉදිරිපත් කිරීම සමහර තැන්වල උල්ලංඝනය කරලා තිබුනා. නළු-නිළියන් කතා කරද්දී ප්‍රේක්ෂකාගාරයට පිටුපා රඟ දැක්වීම නිසා ඔවුන්ගේ සාත්වික අභිනයන් දැකගන්න බැරිවුනා.

ඒක වේදිකා පරිපාලනයේදී සිද්ධවුන බරපතල වැරැද්දක්.

කතාවෙ අමුතු දෙයක්, පණිවිඩයක්, ප්ලොට් ට්විස්ට් එකක් තිබුනෙත් නෑ ඔහේ ගලාගෙන ගිහින් නැවතුනා මිසක්. ඒ වගේම කතාව කියන්නට අනවශ්‍ය කාලයක් ගත්තා වගේම ඒ කාලයෙන් ප්‍රේක්ෂකයන්ට කිසි ප්‍රයෝජනයක් ලැබුනෙත් නෑ. ප්‍රේක්ෂකයින් “අයියෝ සල්ලි” කියන්නෙ මේ වගේ වෙලාවට තමයි.

වේදිකා නාට්‍යය ආධුනික අධ්‍යක්ෂකවරයෙක්ගේ උත්සාහයක්දැයි මා දන්නේ නැහැ. ඒත් සිංහල වේදිකා නාට්‍යය ගොඩ ගන්න දරන ඕනෑම උත්සාහයක් අගය කළ යුතුයි.

Join the Conversation

3 Comments

Leave a comment

Leave a Reply to Shiroshan Randika Cancel reply

This site uses Akismet to reduce spam. Learn how your comment data is processed.

%d bloggers like this: