Categories
චිත්‍රපටි

Man of Steel (2013) ගැන කෙටි පෙර වදනක්.

man_of_steel_poster6-610x889

Man of Steel, ඊළඟ ජුනි මාසයේ 14 වෙනිදා චිත්‍රපට ශාලා වෙත නිකුත් වීමට නියමිතයි. මේ චිත්‍රපටියේ නවතම පූර්ව ප්‍රචාරක පටය ඊයේ නිකුත් වුනා. කොහොම නමුත් මේ චිත්‍රපටිය ලංකාවට ආනයනය කරනවාද කියන එක පිළිබඳව නම් දැනුවත් නැහැ.

https://www.youtube.com/watch?v=z3Y6VmCA4Z4

චිත්‍රපටිය අධ්‍යක්ෂණය කරන්නේ “සැක් ස්නයිඩර්” . ඔහු තමයි DC Comicsලාගේ Watchmen චිත්‍රපටිය මීට කලින් අධ්‍යක්ෂණය කළේ. ඒ චිත්‍රපටිය තරමක් අමුතු Super Hero මාදිලියේ චිත්‍රපටියක් වුනා. ඒ වගේම ඔහුගේ තවත් චිත්‍රපටියක් මතක් කළොත් 300.

මම සැක් ස්නයිඩර්ගේ වැඩ සම්බන්ධයෙන් එච්චර Familiar නැති වුනත්, Man of Steel චිත්‍රපටිය පිටිපස්සෙ ඉන්න අය දැකලා මේ චිත්‍රපටිය පිළිබඳව විශේෂ උනන්දුවක් ඇතිවුනා. ඒකයි මේ වගේ කෙටි සටහනක් ලියන්නේ.

චිත්‍රපටියේ කතා පිටපත ලියන්නේ දෙන්නෙක්. ඒ,
Davis S. Goyer සහ Christopher Nolan.

මේ දෙන්නාම තමයි දැනට IMDB හොඳම චිත්‍රපට 250 ලැයිස්තුවේ අංක 6ට ඉන්න Batman: The Dark Knight චිත්‍රපටියේ තිර පිටපත ලියන්නේ. Dark Knight චිත්‍රපටිය නරඹලා නැති නම්, ජීවිතෙන් භාගයයි. 😛

Goyer ගැන කතා කරනවානම් මේ දිනවල රූපවාහීනි වල ප්‍රදර්ශනය වන Alternative History මාදිලියේ ෆැන්ටසිමය රූපවාහිනී කතා මාලාවක් වෙන Davinci’s Demons කතා මාලාවේ රචකයාද ඔහුයි.

නෝලන් ගැන අමුතුවෙන් කතා කරන්න අවශ්‍යද? නෝලන්ගේ චිත්‍රපට පිටපත් අතර කලින් කිව්ව Dark Knight චිත්‍රපටයට අමතරව Inception, The Prestige, Batman Begins, Dark Knight Rises, Memento චිත්‍රපට ඇතුළත්. මේ හැම චිත්‍රපටයක්ම පාහේ බොහෝ ප්‍රේක්ෂක අවධානය දිනාගත් චිත්‍රපටි.

චිත්‍රපටයේ සංගීතය Hans Zimmerගෙන්. Hans Zimmer ගැන දන්නෙ නැතිනම්, මේ තියෙන්නේ Inception චිත්‍රපටි පසුබිම් සංගීතයේ එක් කොටසක Live Performance එකක්!

ඉතින් ඉහත කී කාරණා නිසා මේ චිත්‍රපටිය බොහෝ ප්‍රේක්ෂක අවධානය දිනාගන්න සමත් වී අවසන්. චිත්‍රපටියේ පසුබිම් සංගීතය  ජුනි 11 වෙනිදා නිකුත් වීමට නියමිතයි.

https://www.youtube.com/watch?v=-kLNmuEyo1E

නිල වෙබ් අඩවිය | IMDB පිටුව | Rotten Tomatoes පිටුව | Wikipedia පිටුව

Categories
විවිධ

සබඳ අපි කඳු නොවෙමු

සබඳ, අපි කඳු නොවෙමු…
උනුන්… පරයා නැගෙන.
සුනිල දිය දහර වෙමු…
එකම… ගඟකට වැටෙන. 🙂

සබඳ, අපි කඳු නොවෙමු.
උනුන්… පරයා නැගෙන…
සුනිල දිය දහර වෙමු…
එකම… ගඟකට වැටෙන..

වියරු ගිනි දැල් නොවෙමු
වනය අවුලා තබන
සිහිල දෙන වැස්ස වෙමු
දැවෙන කැළයට වසින

සබඳ, අපි කඳු නොවෙමු.
උනුන්… පරයා නැගෙන…
සුනිල දිය දහර වෙමු…
එකම… ගඟකට වැටෙන..

නපුරු හීනය නොවෙමු
ළමුන් නිදි සුව බිඳින
සොඳුරු අඬහැරය වෙමු
දනන් නින්දෙන් මුදන!!!

සබඳ, අපි කඳු නොවෙමු.
උනුන්… පරයා නැගෙන…
සුනිල දිය දහර වෙමු…
එකම… ගඟකට වැටෙන..

සබඳ, අපි කඳු නොවෙමු.
උනුන්… පරයා නැගෙන…
සුනිල දිය දහර වෙමු…
එකම… ගඟකට වැටෙන..

[youtube=https://www.youtube.com/watch?v=2LuKaQkpM_M][/youtube]

මේ සින්දුව බොහොම රෝමාන්තික විදිහට ලංකාවෙ දේශපාලන වේදිකා වල  මිනිස්සු ගොනාට අන්දන්න භාවිතා කරපු එකක්. ඒත් ගොනාට ඇඳගන්න තරම්ම ඒ සින්දුව මාර ලස්සනයි සහ අර්ථවත්.

මට සින්දුවේ දේශපාලනය ගැන කතා කරන්න ඕනේ  නැහැ. මට කතා කරන්න ඕනෙ සින්දුව ගැන විතරයි. ඒ අස්සෙ මගේ දේශපාලනය එලියට එන්න පුලුවන්. එතකොට සොරි.
සින්දුව කියන්නෙ ගුණදාස කපුගේ.  සින්දුව ලියන්නේ දර්ශන මේදිස්. දර්ශන මේදිස්ගෙ එකම ගී පද රචනය මේක කියලත් මම අහල තියෙනවා. සින්දුව ගැන Google සෙවීම් අතරෙන් ලැබුන බූන්දි වෙබ් අඩවියෙන් තියෙන දර්ශන මේදිස්ගේ කෙටි සටහනකින්ම මම කලින් කී කාරණාව ඔප්පු වෙනවා.

මෙම කවිය ඇසුරෙන් සකස් කොට, ගායක ගුණදාස කපුගේ ගයන ගීතය නිසි මාතෘකාව යටතේ ඉදිරිපත් නොවීම ගැන මම කම්පා වෙමි
-කතෘ

http://www.boondi.lk/CTRLPannel/BoondiArticles.php?ArtID=985

අපේ තරුණ පරම්පරාව ඉදිරියේ හිටිය දැවැන්ත ප්‍රතිරූප සියල්ල අපිව දාලා යන්න ගිහින් වැඩි කාලයක් නෙවෙයි. ගුණදාස කපුගේ, හෙන්රි ජයසේන, ප්‍රේමසිරි කේමදාස ඒ අතරින් ටික දෙනෙක්. ඉතින් අපිට වෙනත් රටවල දැවැන්ත ප්‍රතිරූප හොයාගෙන යන්න වෙලා. ඉතින් ඒකට මේ සිංහල බෞද්ධ සහෝදරවරු අපිට කලු සුද්දෝ, නයිට්ක්ලබ් බෞද්ධයෝ කියල කොන් කරනවා. මම පුද්ගලිකව ඒ කොන් කිරීමට කැමතියි.
එහෙව් මොහොතක ලාංකීය සමාජය ඉදිරියේ මහා ප්‍රතිරූප වෙලා ඉන්නෙ දේශපාලන වෘත්තියේ නියැලී සිටින්නන් සහ මෙලෝ රහකට නැති නලු නිලියන්. අන්තිමට අපිට අපිව නියෝජනය කරන ඇඟ විකුණන වේසාවන්ට ඡන්දය ප්‍රකාශ කරන්න වෙලා.

මේක හරි විහිලුවක්. අපිට අලුත් සමාජයක් ඕනෙ. ඒ සමාජය ඉහත කී ගීයෙන් නිරූපනය වෙන සමාජය වෙන්න ඕනෙ. ධනපති ක්‍රමය ඇතුළෙ තමන් කැමති මඟුලක් සඳහා තරඟ වැදුනට කමක් නෑ. ඒ තරග වඳින අතරෙ මනුස්සකම අමතක කරන්න එපා. මුස්ලිම් මූලධර්මවාදීන්ට රට ආක්‍රමණය කරන්න නොදෙනවා වගේම ඔවුන්ගෙ ව්‍යාපාර වලට ගරු කරන්න පුරුද්ද තියෙන්න ඕනෙ. ශ්‍රී ලංකාවෙ උපත ලද පුරවැසියෙක් නම් කලු සුදු හෝ ලේ වර්ගයේ බේදයකින් තොරව අනිත් එකා එක්ක මූන බලල හිනාවෙලා කතා කරන්න ඉඩක් තියෙන්න ඕනෙ. එහෙම නැත්තන් ඔයාට ලංකාවෙ නෙවෙයි ලෝකෙ කොහෙවත් පය ගහන්න තියෙන අයිතියට ඔයා කරන්නෙ පට්ට නින්දාවක්. නිග්‍රහයක්.