Categories
විවිධ

කැමතිම දහය – පළමු ‍කොටස

යාවත්කාලීන සටහන – බ්ලොග් අඩිවියේ ඇතිවූ යම් යම් ගැටලු නිසා, මෙම සටහන නැවත වරක් සුදාරකගේ අන්තර්ජාල සටහනේ සටහන් කෙරේ. ඔබ විසින් මෙම සටහනට ලබා දුන් ප්‍රතිචාර ඉවත් වී ඇති බැවින්, ඔබට එයින් යම් කිසි අපහසුතාවක් වූවානම් සමාව ඉල්ලා සිටිමි. ස්තූතියි.

අද ටිකක් වෙනස් මාතෘකාවක්! විභාග පීඩනෙන් මිදෙන්න දැන්නම් මට තියෙන් හොඳම ක්‍රමේ තමයි බ්ලොග් ලියන එක. ඉතින් මේ බ්ලොග් සටහනෙන් මෙවර මම කියන්න යන්නේ එදාමෙදා තුර මම කැමතිම අංශ වලින් කැමතිම දහය ගැනයි.

කැමතිම වෙබ් අඩවි දහය

  1. ගූගල් (Google) – අන්තර්ජාලයේ සරලම හා වඩත් ආකර්ශණීම වෙබ් අඩවිය විදිහට මම නම් සලක‍න්නේ Google තමයි ඒක නිසා කැමතිම වෙබ් අඩවි දහයෙන් ප්‍රථම ස්ථානය හිමිවෙන්නේ Google වෙබ් අඩවියටයි.
  2. ෆේස්බුක් (Facebook) – අන්තර්ජාලයේ හොඳම සමාජ ජාලය ලෙස මම නම් සලකන්නේ facebook වෙබ් අඩවිය තමයි. පහසුවෙන් පිවිසීමට හැකිවීම හා පාසලේ මිතුරන් සමඟ පහසුවෙන් සම්බන්ධවීමට හැකිවීම තමයි මම වැඩියෙන්ම කැමති ගුණාංග
  3. එළකිරි වෙබ් අඩවිය කැමතිම වෙබ් අඩවි දහයෙන් ඉවත් කරන ලදී!
  4. යූ ටියුබ් (YouTube) –  වීඩියෝ බලන්න හොඳම තැන මේක තමයි. වැඩිපුර වෙබ් අඩවියට පිවිසෙන්නේ නැතිවුනත් මෙහි විශේෂ අංග වලට තමයි හිත ගිහිල්ලා තියෙන්නේ. ඒක නිසා තමයි මේක මගේ ලැයිස්තුවේ හතරවෙනි තැනට තේරෙන්නේ.
  5. බොලිවුඩ් එෆ්. එම් (BollyFM) – හින්දි චිත්‍රපට සින්දු අහන්න කැමති අයට මේක තමයි නියම තැන. මම හිතන විදිහට මේ වෙබ් අඩවියේ දැනට තියෙනවා මුල්ම හින්දි චිත්‍රපටියේ ගීතය ඉඳලා දැනට එන්න තියෙන හින්දි චිත්‍රපටිවල ගීතත්. මම ගොඩක්ම කැමති හින්දි සින්දු අහන්න නිසා, මේ වෙබ් අඩවිය මගේ ලැයිස්තුවට එකතු වෙන්නේ 5වෙනි තැනට
  6. ජී-මේල් (GMail) – ගූගල් වෙබ් අඩවියේ කොටසක් වුනාට මගේ ලැයිස්තුවේ හය වෙනි තැන‍ට එකතු වෙන්නේ GMail අඩවියයි. මේ වන විට ඉතාමත් කාර්යක්ෂම ආකාරයෙන් ආ ආකර්ෂණීය ආකාරයෙන් වෙබ් අඩවියේ වැඩ ක‍ටයුතු නිම වෙලා තියෙනවා. ඒ වගේම වෙබ් අඩවිය තුල ඉඳගෙනම කට්ටියත් එක්ක Chat කරන්න ලැබෙන එකත් සෑහෙන්න වාසියක්. ඒ වගේම කරදරකාරී දැන්වීම් නැතී වීමත් හරිම වාසියක්
  7. සිංහල බ්ලොග් කියවනය – දැන‍ට ක්‍රියාත්මක වන සියළුම සිංහල බ්ලොග් අඩවි 70කට වැඩි ප්‍රමාණයක් එකතැනක ඉඳගෙන කියවන්න ලැබෙන එක කොච්චර දෙයක්ද.
  8. යාහූ! (Yahoo!) – මේක 8වෙනි තැනට එකතු වුනේ වෙබ් අඩවි‍යේ තියෙන ආකර්ශණීය බව නිසාමයි. ඉතාමත් පුලුල් පරාසයක විහිදෙන යාහූ වෙබ් අඩවිය හා එහි අනෙකුත් සේවාවන් වන තත්ත්වය නම් අති විශිෂ්ටයි!
  9. විකීපීඩියා (Wikipedia) – අන්තර්ජා‍ලයේ සැමටම වෙනස් කර හැකි, නව දැනුම එකතු කරහැකි අන්තර්ජාලගත හොඳම විශ්වකෝෂය ලෙස ‍‍මගේ ලැයිස්තුවේ 9වෙනි තැනට තේරෙන්නේ විකීපීඩියා වෙබ් අඩවියයි. විශාල දැනුම පරාසයක එකතුවක් විකීපිඩි‍යා වෙබ් අඩවිය සතුවීම නිසා මගේ විතරක් නෙවෙයි තවත් විශාල පිරිසකගේ ආදරය මෙම වෙබ් අඩවියට හිමිවි තිබෙනවා
  10. MediaFire – නොමිලේ ගොනු ස්ථාපනය කරන වෙබ් අඩවි නම් වැහි වැහැලා. ඒත් ඒ අතුරින් මම නම් කැමති MediaFire වෙබ් අඩවියටයි. නුසුදුසු දැන්වීම් නැති. ආරක්ෂාකාරී වෙබ් අඩවියක් වන MediaFire වෙබ් අඩවිය පහසුකම් රැසක් තමන්ගේ පරිශීලකයන් රැසකටම ලබාදෙනවා

කැමතිම චිත්‍රපටි දහය

  1. Om Shanthi Om – ආයේ කතා දෙකක් නෑ මේක තමයි මම බලපු හොඳම චිත්‍රපටිය. මේකට මම කොච්චර ආකර්ෂණය වුනා
  2. Jab We Met –  තවත් අනර්ඝ හින්දි චිත්‍රපටියක්! මේ චිත්‍රපටිය ගැන මම මීට කලින් මගේ බ්ලොග් එකෙත් ලියලා තිබ්බා.
  3. Guru –  මේකත් නියම චිත්‍රපටියක්, වැඩිය ආදායම් වාර්තා තබපු චිත්‍රපටියක් නොවුනත්, මේකේ කතාවයි, අන්තර්ගත වෙලා තිබ්බ සින්දුයි නම් නියමෙටම නියමයි.
  4. Rang De Basanti – රංග්‍ දේ බසන්ති, තවත් අනර්ඝ හින්දි සිනමා නිර්මාණයක් කිව්වොත් කිසිම වරදක් නෑ. මගේ ලැයිස්තුවේ 4වෙනි තැනට එකතුවෙන්නේ මේ හින්දි චිත්‍රපටියයි.
  5. Harry Potter චිත්‍රපටි – මම පස්වෙනි තැනට කැමතිම චිත්‍රපටි තමයි Harry Potter චිත්‍රපටි. පොතේ කතාවම ඒ විදිහටම සිනමාගත කරලා නැතිවුනත්, ඉතාමත් ආකර්ෂණීය ලෙස මේ චිත්‍රපටියත් නිමවෙලා තියෙනවා.
  6. Don – මගේ ලැයි‍ස්තුවේ 6වෙනි තැන හිමිවන්නේ Don හින්දි චිත්‍රපටියේ නව නිෂ්පාදනයටයි.
  7. Lord of the Rings – ලැයිස්තුවේ 7වෙනි තැන හිමිවෙන්නේ Lord of the Rings චිත්‍රපටි ත්‍රිත්වයටයි. කැමති වෙන්න හේතුව වෙන මොකක්වත් නිසා නෙමෙයි! ඒ චිත්‍රපටියේ තියෙන කතාවස්තුවටයි.
  8. SpiderMan 3 – මීළඟට 8වෙනි තැන හිමිවෙන්නේ Spider Man චිත්‍රපටි ත්‍රිත්වයෙන් තෙවැනි චිත්‍රපටියටයි.
  9. Sawariya – මෙලෝ හසරක් තේරෙන්නේ නැති චිත්‍රපටියක් වුනත්, මේකේ සින්දු වලටම් මාර ආසයි! ඒක නිසාම තමයි මේ චිත්‍රපටිය මගේ ලැයි‍ස්තුවේ 9වෙනි තැනට එන්නේ.
  10. Dhoom – ක්‍රියාදාම හින්දි චිත්‍රපටිවලින් කැමතිම චිත්‍රපටිය වන Dhoom චිත්‍රපටි ද්විත්වයට තමයි මගේ ලැයිස්තුවේ අවසාන තැන.

තව කැමති දේවල් ගොඩක් තියෙනවා. ඒවා පස්සේ ලියන්නම්… දැන් පන්ති යන්න තියෙනවා… නැවත හමුවෙමු.